09 de Outubro de 2012, 02:18
Múziku portugués Luís Represas sei fó konsertu ida iha Díli, Timor-Leste hodi angaria fundu ba Sport Díli i Benfica, haktuir ohin husi prezidente klube desportivu ne’e, Fernando da Encarnação.
Fernando da Encarnação esplika katak ideia ne’e hato’o husi elementu sira Guarda Nacional Republicana (GNR) ne’ebé halao knaar iha Timor-Leste i no mos husi Organizasaun Naun Governamentál ba lusofonia Karingana Wa Karingana.
“Tamba sujestaun husi GNR iha posibilidade atu kontakta ho Luís Represas atu mai fó espetákulu iha Timor-Leste i Sport Díli i Benfica benefisia husi espetákulu ida-ne’e”, hateten.
Tuir Fernando da Encarnação, konsertu ne’e hetan husi konsekuénsia husi konjugasaun esforsu entre klube desportivu ne’e ho Karingana Wa Karingana, ne’ebé sei to’o iha Díli hodi entrega donativu livru sira ne’ebé arranja patrosinadór ba viajén ba espetákulu husi artista ne’e.
Espetákulu ne’e nia folin 50 dolár (38,5 euro) ho jantar i bele hetan billete liuhusi Sport Díli e Benfica ka iha Hotel Timor fatin ne’ebé sei hala’o konsertu. Luís Represas hanesan autór ba múzika “Timor” ne’ebé iha tinan 90 nia laran sai hanesan símbolu ba independensia i paz iha teritóriu.
No comments:
Post a Comment