HAMETIN DIREITU BA PROPRIEDADE IHA TIMOR-LESTE

Balide & Bebora, Dili, Timor-Leste

Atu hatene liu tan informasaun bele kontaktu:

                  Cecilia Gonçalves TL: 670.7304325 E-mail: CGoncalves@sprtl.tl

                  Cristiana X.Belo TL: 670 7304327 E-mail: CBelo@sprtl.tl

KOMUNIKASAUN BA IMPRENSA

Komunikadu ba Imprensa 

16 Jullu 2010

DNTPSC NO PROGRAMA ITA NIA RAI HALA’O TAN PUBLIKASAUN 

MAPA RAI NIAN IHA KAPITÁL DISTRITU BAUCAU

Governu Timor-Leste, liu husi Direcção Nacional de Terras, Propriedades e Serviços Cadastrais

(DNTPSC) no Programa “Ita Nia Rai” hala’o publikasaun mapa hodi fó sai rezultadu

deklarasaun na’in ba rai iha Kapitál Distritu Baucau.

Eng. Jaime Xavier Lopes, Director DNTPSC hateten “Objetivu husi publikasaun mapa ne’ebé

refere mak atu garante transparánsia iha prosesu halo deklarasaun na’in ba rai nian.  Iha

períodu ne’e deklarantes sira bele ba verifika no hadi’a sira nia dadus, karik iha dadus ruma

ne’ebé sala. Nune’e mós halo reklamasaun hasoru ema ruma ne’ebé halo ona deklarasaun ba

sira nia rai.  Tan ne’e Diretór DNTPSC ne’e husu ba maluk na’in ba rai sira iha área ne’ebé

refere atu ba haree ita boot sira nia dadus iha publikasaun refere hodi aprova ita boot sira nia

dadus. Tanba durasaun tempu ba publikasaun mapa mak loron 30 no depois ne’e sei laiha

tan ona reklamasaun ka hadi’a dadus”.

• Área kolesaun ne’ebé inklui iha publikasaun mapa maka hanesan, Distritu Baucau, SubDistritu Baucau, Suco Bahu, Caibada Makasae no Suco Tirilolo, Aldeia Lamegua, Data-ua,

Caiobilale, Betulale no Lutumuto. Publikasaun mapa refere taka iha, Sede Suco Caibada

Makasae, Centru Lamegua (ex Pemancar Telivizaun), Sede Suco Tirilolo, edifísiu Ita Nia

Rai Distritu Baucau, Administrasaun Distritu Baucau no Edifísiu DNTPSC Bebora - Dili.

Bele asesu mós iha ínternet, liu husi: www.itaniarai.tl;  Tempu ba mapa publikasaun HAMETIN DIREITU BA PROPRIEDADE IHA TIMOR-LESTE

Balide & Bebora, Dili, Timor-Leste

Atu hatene liu tan informasaun bele kontaktu:

                  Cecilia Gonçalves TL: 670.7304325 E-mail: CGoncalves@sprtl.tl

                  Cristiana X.Belo TL: 670 7304327 E-mail: CBelo@sprtl.tl

refere hahú iha 15 Jullu to’o 25 Agustu 2010.

Dekretu Ministeriál No. 229/2008, 1 Julhu 2008 fó mandatu ba DNTPSC atu hala’o publikasaun

ba dadus rai ne’ebe rekolla tiha ona durante prosesu levantamentu dadus.  Durante tempu ne’e,

ema sei bele hato’o deklarasaun foun ida, no mós bele hatama reklamasaun, ne’ebe hanesan

disputa ida kontra ema seluk nia deklarasaun. Bainhira publikasaun hotu ona, ema sei labele

hatama deklarasaun foun ka halo reklamasaun ba ema seluk nia deklarasaun iha área ne’ebe

refere.

Programa Ita Nia Rai ho durasaun tinan Lima (2007 – 2012) hetan fundus husi Governu

Americano liu hosi USAID hodi tulun Governu Timor-Leste atu asegura direitu ba rai no

propriedade iha Timor-Leste. Servisu hamutuk ho DNTPSC (Ministerio da Justiça), programa

ida ne'e atu fó asisténsia téknika no suporta regulamentu ba dezenvolvimentu sustentavel no

transparante ba sistema administrasaun rai iha Timor-Leste.  Daudaun ne’e prosesu foti dadus

kona-ba rai hala’o ona iha Kapitál Distritu Aileu, Baucau, Bobonaro, Liquiça, Manatuto,

Oecusse, Dili, Lautem, Covalima no Kapitál Distritu Ainaro.  

- Remata -