Ministerio da Saude Semanal
Dili, Saude-Semanal. Tinan 2011 ministerio da saude sei tau orsamentu montante U$ 150 dolares Norte amerikanu ba komisaun Nasional luta kombate HIV/AIDS, tanba tinan-tinan numeru nee sempre aumenta ba bei-beik. Ministru da saude Nelson Martins koalia ida nee ba Jornalista sira, segunda 17/01/2011 iha parlamentu Nasional.
Nia afirma, ministerio da saude iha tinan nee sei prepara orsamentu ho montante U$ 150 nebe tama rubrika transferensia publika hodi fob a komisaun Nasional luta hasoru moras HIV/AIDS hodi halao sira nia servisu. Nebe mak agora dadaun prepara hela finalize baze legal estatutu.
Tuir Ministru Martins katak, komisaun nasional luta kontra hasoru moras HIV/AIDS, komesa prepara nomeiasaun mebru foun hodi fo treinamentu ba membrus sira no halo estasaun servisu iha rejional hodi fo konsellu ba instituisaun estadu inklui Ministerio da Saude RDTL, hodi halo supervizaun implementa saun planu estrateziku HIV/AIDS 2010-2015 nian, no prepara apoiu implementasaun orsamentu nebe mak hetan husi global funds ba programa HIV/AIDS.
Prezidente komisaun Nasional luta kontra moras HIV/AIDS actual Ministru da Saude esplika katak, tuir data estatistika ministerio da saude nian nebe hahu tinan 2003 to’o 2010 moras HIV/AIDS iha timor leste atinji ona numeru total kuaze 200 pesoas no nain 22 mate.
Maske timor leste numeru sae, maibe ministru da saude nelson dehan timor leste sei tama nasaun nebe ho prevalensia HIV/AIDS ho pursentu 0,2 %.
Nia haklaken ministerio da saude ho komisaun Nasional luta kontra moras HIV esforsu nafatin ho parseiru sira ONG sira nebe mak dedika sira nia aan tomak ba moras HIV/SIDA inklui mos media timor leste hodi habelar informasaun ba komunidade hodi nunee sira bele iha konhesemetu klean ba moras nebe refere (HIV).
aleinde nee Antonio dos Santos suku Motael lamenta ho programa SISCa nebe oras nee dadaun lao la duun diak iha suku nebe refere, “dehan katak programa SISCa halao fulan ida dala ida maibe agora dadaun iha ami nia fatin paradu”. Hatan ba kestaun hirak nee Ministru Nelson Afirma, atu rejolve problema SISCa, rekursus Umanus mak la too hodi fo assistensia nebe klean ba komunidade maibe ho partisipasaun Komunidade tomak fiar katak programa SISCa sei lao Normal.
Dr. Nelson Haktuir katak, SISCa mos iha ninia orsamentu rasik maibe susar atu mobilize, “SISCa sei lao diak wainhira komunidade partisipa makas no lider komunitariu sira mos iha partisipasaun Masimu ba programa nee”.tenik Ministru MS.
SISCa mos tinan-tinan aloka orsamentu tuir alokasaun ba kada sentru da saude ho orsamentu montante U$ 25.00 nunee ministru Martins apela ba komunidade katak SISCa nee presija ema hotu nia kontribuisun hare ba realidade katak rekursus kurang teb-tebes.MS01 feat JNDiario
No comments:
Post a Comment